دەسەڵاتدارانی ڕوسیا ئاشكرایانكردووە، لە ناوچەیەكی وڵاتەكە هێڵێكی گواستنەوەی گازی سروشتی تەقیوەتەوە، تا ئێستا كۆنتڕۆڵ نەكراوە.
ئەمڕۆ سێشەممە 23ی شوبات لە ناوچەی ئۆرینبۆرگی ڕوسیا بۆرییەكی سەرەكی گواستنەوەی گازی سروشتی تەقیوەتەوە، وەك دەسەڵاتدارانی ناوچەكە ئاماژەیان پێكردووە.
ئەوەشیان خستوەتەڕوو، لەو ناوچەیە پیاوانی ئاگركوژێنەوە و بەرپرسان و زاناكانی ژینگە، ئامادەییان هەیە و هەوڵی كۆنتڕۆلكردنی ئاگرەكە دەدەن.
ئاڕ تی ڕوسی ئاشكرایكردووە، تا ئێستا هیچ قوربانییەكی لێ نەكەوتووەتەوە.
ئەو بۆریە گازەی تەقیوەتەوە، سەر بە كۆمپانیای گازپرۆمی ڕوسییە.
