وتەبێژی هاوپەیمانی دژی داعش لەبارەی ئەرک و ژمارەی هێزەکانیان لە ڕۆژئاوای کوردستان ڕایگەیاند، هیچ گۆڕانکارییەک لە ژمارە و بنکە سەربازییەکانیاندا ڕوینەداوە.
كۆلۆنێل واین مارۆتۆ، وتەبێژی هاوپەیمانی دژی داعش لە تویتێکدا ڕایگەیاند، “ئێمە لە باکوری سوریا هیچ گۆڕانکارییەکی بەرچاومان نەکردووە و بەردەوامین لە هەماهەنگی و هاوکارییەکانمان لەگەڵ هێزەکانی سوریای دیموکراتدا”.
وتەبێژی هاوپەیمانان ڕاشیگەیاندووە، “بۆ دابینکردنی ئەمنیەتی باکوری سوریا و ئەو ناوچانەی هاوبەشن لەگەڵ هەسەدە، بەردەوام کاروانی سەربازیی دێت و دەچێت و بە چری چاودێری جوڵەکانی داعش دەکرێت”.
هەفتەیەک پێش ئێستا حکومەتی سوریا ڕایگەیاندبوو، سوپای ئەمریکا لەژێر پاساوی هاوپەیمانی دژی داعش هێزی زیاتری ڕەوانەی ئەو وڵاتە کردووە.
The mission of @CJTFOIR in NE Syria hasn’t changed. The Coalition works, by, with & thru our partner force SDF to defeat Daesh. The Coalition regularly conducts security patrols; re-supply convoys into the ESSA & upgrades & maintains bases. Troop levels & bases haven’t increased. pic.twitter.com/qqfEJs12kw
— OIR Spokesman Col. Wayne Marotto (@OIRSpox) February 21, 2021
