حكومەتی عێراق، ئامادەكاری دەكات بۆ دابەشكردنی موچەی مانگی شوباتی ئەمساڵی فەرمانبەران و خانەنشینان.
ئەمڕۆ یەكشەممە 21ی شوبات، وەزارەتی دارایی عێراق ڕاگەیەندراوێكی بڵاوكردەوە و ڕایگەیاند، “نووسراومان ئاڕأستەی فەرمانگەی ژمێریاری كردووە بۆ دەستپێكردنەوەی كاری تایبەت بە دابەشكردنی موچە.”
ڕوونیشیكردەوە كە مەبەست لەو كارانە، ئامادەكردنی لیستی موچەی مانگی شوباتی فەرمانبەران و خانەنشینان و پارەداركردنی پرۆسەكەیە بۆ ئەوەی دەست بە دابەشكردنی موچە بكرێت.”
هەواڵی دابەشكردنی موچەی مانگی شوباتی عێراق لەكاتێكدایە هێشتا پرۆژەیاسای بودجەی گشتیی ساڵی 2021 پەسەند نەكراوە و حكومەت دەڵێت پارەی پێویست لەبەردەستدایە بۆ دابەشكردنی موچە.
