سەرۆککۆمار.. پاراستنی ئاسایشی عێراق دەبێتە فاکتەرێکی بەھێزی سەقامگیریی ناوچەکە

د.بەرهەم ساڵح، سەرۆککۆماری عێراق ئەمڕۆ یەکشەممە 14ی شوبات لە بەغداد پێشوازیکرد لە شاندێک کە پێکهاتبوو لە ژمارەیەک کەسایەتیی عەرەبی لە وڵاتانی میسر و ئوردن و سودان و تونس.

لەو دیدارەدا دوایین گۆڕانکارییەکانی ناوچەکە و ئەو ئاڵنگارییانەی کە رووبەڕووی ناوچەکە و گەلانی ناوچەکە دەبنەوە گفتوگۆیان لەبارەوە کرا، بەتایبەتی پەتای کۆرۆنا و لێکەوتە تەندروستی و ئابورییەکانی و مەترسیی تیرۆر.

ھەر لەمیانی دیدارەکەدا سەرۆککۆمار جەختیکردەوە لە گرنگیی هاریکاری و ھاوئاھەنگی بۆ بەرەنگاربوونەوەی ئاڵنگارییەکان و تێپەڕاندنی قەیران و گرژییەکان، لە رێگەی دیالۆگ و گفتوگۆی جدی لە پێناو زامنکردنی ئاسایش و سەقامگیریی ناوچەکە.

د.بەرهەم ساڵح دووپاتیکردەوە لە پێویستیی هەنگاونان بەرەو ئاسۆی ھەماھەنگیی ئابوری و رۆشنبیری و گەشەپێدان، ھاوکات ئاماژەشیکرد بۆ ئەوەی پاراستنی ئاسایش و ئارامیی عێراق دەبێتە فاکتەرێکی بەھێز بۆ سەقامگیری و گەشەپێدانی ناوچەکە و ھێنانەکایەوەی بەرژەوەندی و خۆشگوزەرانیی سەرجەم گەلانی ناوچەکە.

بابەتی پێشتر

توركیا.. سەرۆكشارەوانییەك و ژمارەیەك ئەندامی هەدەپە دەستگیركران

بابەتی دواتر

ئەو نامەیەی خامنەی کە بە دەستی پوتین نەگەیشت

بابەتی پەیوەندیدار
زیاتر ببینە

لە پەرلەمانی عێراق چی دەگوزەرێت؟

دانیشتنی پەرلەمانی عێراق بۆ تێپەڕاندنی پرۆژەیاسای دادگای باڵای فیدراڵ بەردەوامە، تا ئێستاش وادەیەك بۆ دەنگدان لەسەر پرۆژەیاسای بودجەی…