بەڕێوەبەرایەتیی گشتیی پەروەردەی سلێمانی سەرجەم خوێندنگە حکومی و ئەهلییەکانی قۆناغی بنەڕەتی و ئامادەیی ئاگاداردەکاتەوە، کە لەمەودوا دەبێت هەر ناوەندێکی خوێندن تەنیا یەک گرووپی ڕەسمیی وەتسئەپی هەبێت و بەڕێوەبەرەکەش ئەدمینی بێت.
بەپێی ئاگادارییەکەی پەروەردەی سلێمانی، لەپێناو ڕێکخستن، هەماهەنگی، و گەیاندنی ڕێنماییەکان بە خوێندکاران، پێویستە بەڕێوەبەری هەر ناوەندێکی خوێندن گرووپێک لە تۆڕی کۆمەڵایەتیی وەتسئەپ دروستبکات و خۆی ئەدمینی سەرەکی بێت، هەروەها یاریدەدەر و ڕێنماییکاری پەروەردەیی بەشداریبکەن لە ئاگادارکردنەوەی خوێندکاران لە کاتی پێویستدا.
پەروەردەی سلێمانی جەختیکردووەتەوە، دروستکردنی گرووپی جیاواز لە تۆڕە کۆمەڵایەتییەکان لەسەر ئاستی ناوەندی خوێندن قەدەغەیە و ڕێگەپێدراو نییە.
