قوباد تاڵەبانی لەگەڵ مەڵبەندی شەشی سۆران کۆبووەوە و ڕایگەیاند، لە دوای سەرۆک مام جەلال یەکێتی هەرگیز هێندە بەهێز نەبووە.
قوباد تاڵەبانی، جێگری سەرۆکوەزیرانی هەرێمی کوردستان لە میانی کۆبوونەوەی لەگەڵ ئەنجومەنی مەڵبەندی شەشی سۆران: لە دوای سەرۆک مام جەلالەوە یەکێتی هەرگیز وەک ئێستا پێگەی بەهێز نەبووە، بۆ هەموو پرسە گرنگەکانی کوردستان، عێراق و ناوچەکە پرس و ڕاوێژ بە یەکێتی دەکرێت.
وتیشی، دۆخی یەکێتی ئێستا بە جۆرێکە کە سەرۆک بافڵ جەلال تاڵەبانی بە بەردەوامی لەگەڵ سەرکردەکانی ناوچەکە و ناوەندەکانی بڕیار لە پەیوەندیدایە.
