مەسعود پزیشكیان ڕایگەیاند، سەرەڕای ئەوەی هیوا و متمانەیان بەرەو نەمان دەچێت، بەڵام وڵاتەكەی پابەندە بە لێكتێگەیشتنەكەیان لەگەڵ واشنتندا.
مەسعود پزیشكیان، سەرۆككۆماری ئێران لە میانەی لێدوانێكدا ڕایگەیاند، وڵاتەكەی هەنگاو بە هەنگاو لە بێمتمانەیی بە ئەمریكییەكان نزیك دەبێتەوە و هێندەی نەماوە هیوایەك بۆ لێكتێگەیشتنێکی هەمیشەییش نەمێنێت.
وتیشی، ” پابەندین بە لێكتێگەیشتنەكەمان لەگەڵ ئەمریكا، سەرەڕای ئەوەی متمانەی پێویستمان بە ئەمریكا نییە و هۆشداریشمان لەو بارەیەوە داوە”.
ئەوەشی خستەڕوو، “هیچ كا جەنگ و توندوتیژی ڕێگایەكی ژیرانە نەبووە بۆ گەیشتن بە ئارامیی و ئاشتیی، بەڵام واشنتن دەیەوێت بە هێز و سزای ئابووریی گەلەكەمان بە ڕێككەوتن ناچاربكات؛ بێئاگا لەوەی وڵاتەكەمان بەسەر دەیان ئابڵوقەی ئابووری و سەربازی زۆر درێژخایەنتردا سەركەوتنی بەدەستهێناوە”.
