وەزارەتی ئەوقاف ڕوونکردنەوەیەکی بڵاوکردەوە.
وەزارەتی ئەوقاف وکاروباری ئایینیی هەرێمی کوردستان، ڕایگەیاند، فەرھەنگی پێکەوەژیان لە ھەرێمی کوردستان ڕەگ و بنەچەی مێژوویی ھەیە، مامۆستایانی ئایینی پیرۆزی ئیسلام و ھەموو ئایینەکان ڕۆڵیان ھەبووە و پێکەوە کار بۆ پەرەپێدانی گیانی تەبایی و ئاشتیی کۆمەڵایەتی دەکەن، ئەگەرچی بڵاوبوونەوەی گرتەی ڤیدیۆی کەسێک کە بێڕێزی بە پێکھاتەی ئێزدیان دەکات لە دەرەوەی سنووری ھەرێمی کوردستان و عێراقە، بەڵام کردارێکە دوور لە بەھای ئایینی و مرۆڤایەتییە.
دەشڵێت، بەکارھێنانی وشەی نالۆجیکی بەرامبەر ھەر پێکھاتەیەک بەتوندی ڕەتدەکەینەوە و جەخت لە برایەتی، خۆشەویستی و پێکەوەژیانی ھەمەلایەنە دەکەینەوە .
