دەزگای ئاسایشی هەرێمی کوردستان ڕایدەگەیەنێت، لە ماوەی 24 کاتژمێردا بە شەش درۆن هێرشکراوەتە سەر چەند ناوچەیەک لە هەرێمی کوردستان.
دەزگای ئاسایش ئاماری هێرشە درۆنییەکانی 24 کاتژمێری ڕابردووی بڵاوکردەوە و ڕایگەیاند، کاتژمێر 12:35 بۆ کاتژمێر 14:00ـی ڕۆژی دووشەممە 27ـی 7ـی 2026، بە پێنج درۆن هێرشکرایە سەر شاری کۆیە و دەوروبەری.
ئاماژەی بەوەشدا، کاتژمێر 05:20ـی ڕۆژی سێشەممە 28ـی 7ـی 2026 بە یەک درۆن هێرشکرایە سەر ناوچەی شارباژێڕ.
جەختیشیکردەوە، “لە دەرئەنجامی هێرشەکاندا، هیچ زیانێکی گیانی نەبووە”.
