قائیمقامی قەزای دووکان لە دیدارێکی تەلەڤیزیۆنیدا ئاشکرایدەکات، دووکان گرفتی کەمیی ئاوی نییە، بەڵکو نەبوونی کارەبا کاریگەریی لەسەر دابەشکردنی ئاو دروستکردووە.
سیروان سەرحەد، قائیمقامی قەزای دووکان ڕایگەیاند، دابەشکردنی ئاو لە قەزای دووکان 24 کاتژمێرییە و لە ڕووی دابەشکردنی ئاو، هیچ گرفتێکمان نییە.
ئەوەشی خستەڕوو، بەڵام ئێستا کە بەرنامەی دابەشکردنی کارەبای نیشتمانی وەک پێشوو نییە، بەرنامەی دابەشکردنی ئاویش تێکچووە، ئەمەش گرفتی بۆ هاوڵاتییان دروستکردووە، ئەگینا گرفتی دابەشکردنی ئاومان نییە، ئەوەی هەیە گرفتی نەبوونی کارەبایە.
