وتەبێژی وەزارەتی نەوتی عێراق ڕایگەیاند، هەناردەی نەوت ڕانەگیراوە.
سەلیم ڕوکابی، وتەبێژی وەزارەتی نەوتی عێراق ڕایگەیاند، دوای ئەوەی یەکێک لە کشتییەکان بە درۆن کرابووە ئامانج، هەناردەکردنی نەوت لە بەندەرەکانی وڵات بەردەوامە و ڕانەگیراوە.
دەشڵێت، ئەو هەواڵانەی باس لە ڕاگیرانی هەناردەی نەوت دەکەن دوورن لە ڕاستییەوە.
ئەوە لەکاتێکدایە ئەمڕۆ کەناڵی جەزیرە لە زاری سەرچاوەیەکەوە بڵاویکردەوە، درۆنێک خۆی کێشاوە بە کەشتیەکی نەوتهەڵگردا لە بەندەری بەسڕە و بەوهۆیەوە پڕۆسەی بارکردنی نەوتی خاو لە سەرجەم پێگە و بەندەرەکانی عێراقدا ڕاگیراوە.
