کونسوڵخانەی ئەمریکا لە هەولێر لە بەیاننامەیەکدا دەرگای پێشکەشکردنی داواکاریی بۆ پڕۆگرامی بەخشینە داراییەکانی دیپلۆماسیی گشتیی نێردەی ئەمریکا لە عێراق بۆ ساڵ 2026 کردەوە.
بەگوێرەی ڕاگەیەندراوێکی کونسوڵخانەکە، لە پڕۆگرامەکەدا پاڵپشتیی دارایی بۆ ئەو پڕۆژانە دابیندەکەن کە برەو بە بەها ئەمریکییەکان دەدەن و سوود لە شارەزایی ئەمریکی وەردەگرن بۆ بەهێزکردنی پەیوەندییەکانی نێوان ئەمریکا و عێراق.
هاوکات پاڵپشتیکردنی ئازادیی ڕاگەیاندن و برەودان بە فێربوونی زمانی ئینگلیزی و چەندین بواری دیکە بەشێکن لە پڕۆگرامەکە و ئارەزوومەندان دەتوانن فۆڕمی داواکاریی پڕبکەنەوە.
هەر بە گوێرەی کونسوڵخانەی ئەمریکا لە هەولێر، ئەمریکا بڕی 25 هەزار دۆلار تاوەکو 500 هەزار دۆلار وەک پاڵپشتیی دارایی تەرخان دەکات بۆ ئەو کەسانەی ئارەزوومەندن.
بۆ پێشکەشکردنی داواکاریی و خوێندنەوەی وردەکارییەکان کلیک لەم بەستەرەیە بکە:
