بەڕێوەبەرایەتیی گشتیی چاكسازیی كۆمەڵایەتی، ڕایگەیاند، بەدواداچوونمان بۆ گرانیی نرخی كەلوپەل و پێداویستییەكانی فرۆشگای چاكسازیی گەورانی سلێمانی کرد.
بەڕێوەبەرایەتیی گشتیی چاكسازیی كۆمەڵایەتی، ڕایگەیاند، ئەمڕۆ شه‌ممه ئیحسان عەبدولڕەحان، بەڕێوەبەری گشتیی چاكسازیی كۆمەڵایەتی سەردانی چاكسازیی گەورانی سلێمانی كرد و لەلایەن (دێبەر محەمەد) بەڕێوەبەری چاكسازی بە وەكالەت و (پێشەنگ حەمید) بەرپرسی هێزی جێبەجێكار پێشوازی لێكرا.
دەشڵێت، مەبەست لە سەردانەكەی بەدواداچوون بوو بۆ گرانیی نرخی كەلوپەل و پێداویستییەكانی فرۆشگای چاكسازی، هەروەها بەشەكانی كۆگا و چێشتخانەی بەسەركردەوە و شێوازی ئامادەكردنی خواردنی سزادراوانی بینی، هەر لەو سەردانەیدا لە نزیكەوە بەدواداچوونی كرد سەبارەت بە هەواڵێكی كەناڵی ڕووداو كە گوایە لە چاكسازیی گەورانی سلێمانی چاودێرەكان بە چـ.ـەقۆ و بۆكس خـ.ـەنجەر هەڕەشە لە سزادراوان دەكەن، بەڕێوەبەری گشتیی چاكسازی دوای بەدواداچوونێكی ورد ڕایگەیاند ئەم هەواڵە چەواشەكارییەی كەناڵی ڕووداو ڕەتدەكەینەوە و سبەینێ یەكشەممە سكاڵای یاسایی لەسەر ئەو كەناڵە تۆماردەكەین .
