فالح ساری، وەزیری دارایی عێراق فەرمانیدا کە لە ئەمڕۆوە دەست بە خەرجکردنی مووچەی فەرمانبەران بۆ مانگی حوزەیران بکرێت.
وەزارەتی دارایی عێراق بڵاویکردەوە، وەزیری دارایی عێراق، بەڕێوەبەرایەتیی ژمێریاری ڕاسپارد بە دەستپێکردنی خەرجکردنی مووچەی مانگی حوزەیرانی مووچەخۆرانی عێراق.
لە ڕاگەیێندراوەکەدا هاتووە، پڕۆسەی خەرجکردنی مووچە لە ئەمڕۆ یەکشەممەوە دەستپێدەکات و سەرجەم فەرمانگەکانی سەر بە وەزارەتەکان دەتوانن ڕێکارە داراییەکان بۆ وەرگرتنی مووچەی فەرمانبەرەکانیان تەواو بکەن.
