بەهرۆز سالار، بەڕێوەبەری باخچەکانی سلێمانی لە لێدوانێکدا ڕایگەیاند، “گرنگترین شت لامان پاراستنی نەمامە، هەندێک ساڵ لە شاری سلێمانی جیاوازیی گەرما لە بەرزی بۆ نزمی 60 بۆ 65 پلەیە، لە ئێستادا ئەو نەمامانە هەڵدەبژێرین کە بەرگەی کەشوهەوا و بەرز و نزیمیی پلەی گەرمای شاری سلێمانی دەگرێت.”
وتیشی، “لە ئێستادا پلانەکانمان بۆ ئاودێریکردن و زیاترکردنی ڕێژەی سەوزایی چڕکردووەتەوە، بەو پلانەی دامانناوە، ئەمساڵ ساڵێکی باش دەبێت بۆ ئاودێریکردن و سەوزکردنی باخچەکانمان”
ڕوونیشیکردەوە، “بەپێی پێوەرەکان، ڕێژەی سەوزایی لە سنووری ناوەندی شاری سلێمانی لە سەروو ئاستی ستانداردە و ڕێژەکەی سەدا 23.06ـە، لەکاتێکدا پێویستمان بە سەدا 20ـی ڕێژەی سەوزایی هەیە بۆ هەر تاکێک.”
