بەڕێوەبەری بەرگریی شارستانیی سۆران ڕایدەگەیەنێت، لە ڕێگەی ئەسپەوە ئەو پێشمەرگەیەمان ڕزگارکرد کە ئەمڕۆ لە سنووری چۆمان لە شاخ هەڵدێرابوو.
موقەدەم کاروان میراودەلی، بەڕێوەبەری بەرگریی شارستانیی سۆران لە لێدوانێکدا ڕایگەیاند، توانیمان لە ڕێگەی ئەسپەوە، ئەو پێشمەرگە تەمەن 45 ساڵە ڕزگاربکەین کە لە گۆمی بێکۆدیان لە سنووری قەزای چۆمان، لە شاخ هەڵدێرابوو.
وتیشی، ، هەوڵماندا بە فڕۆکە پێشمەرگەکە ڕزگاربکەین، بەڵام بەردەست نەبوو، هەروەها تەندروستی ئەو پێشمەرگەیە باشە و گەیەندراوەتە نەخۆشخانەی فریاکەوتنی چۆمان.
