لەسەر ڕێگەی کەلار – کفری، ئۆتۆمبێلێکی جۆری تۆیۆتا وەرگەڕا و شۆفێرەکەی برینداربوو.
بەڕێوەبەرایەتیی هاتوچۆی گەرمیان لە ڕاگەیەندراوێکدا بڵاویکردەوە، پێشنیوەڕۆی ئەمڕۆ شەممە، ئۆتۆمبێلێکی جۆری تۆیۆتا کامری لە قەزای کفرییەوە بە ئاراستەی قەزای کەلار هاتووە، بەرامبەر گوندی حەسیرە وەرگەڕاوە و بەهۆی ڕووداوەکەوە شۆفێرەکەی کە لەدایکبووی ساڵی 1985ـە، برینداربوو.
ڕاشیگەیاند، لێکۆڵینەوە لە ڕووداوەکە دەستیپێکردووە بۆ زانینی هۆکار و چۆنیەتیی ڕوودانی و بریندارەکە گواستراوەتەوە بۆ نەخۆشخانە.
