پێشەوا هەورامانی، وتەبێژی حکومەتی هەرێمی کوردستان لە لێدوانێکدا ڕایگەیاند، ئەو کەسانەی مووچەکانیان زیاتر لە یەک ملیۆن دینارە، بەشەخۆراکی مانگانەیان دەبڕدرێت.
ئاماژەی بەوەشکرد، ئەو بڕیارە لەسەر داوای حکومەتی فیدراڵیی عێراق لە کۆبوونەوەی ئەنجوومەنی وەزیرانی هەرێمی کوردستان دراوە.
ئەمە لەکاتێکدایە پێشتر وەزارەتی بازرگانیی عێراق بڕیاریدا بەشەخۆراکی ئەو فەرمانبەرانە ببڕدرێت کە مووچەکانیان لەسەروو یەک ملیۆن و 500 هەزار دینارە، ئەمەش بەمەبەستی پاڵپشتیکردن لە خێزانە هەژار و کەمدەرامەتەکان
