پارێزگای هەڵەبجە بڵاویکردەوە، لەسەر ڕاسپاردەی نوخشە ناسیح، پارێزگاری هەڵەبجە، لەلایەن تیمەکانی دیوانی پارێزگاوە دەستکرا بە دروستکردنی بەربەست بۆ چەند شوێنێکی ئاوی زەڵم لە سەیرانگەی ئەحمەدئاوا، هاوكات کامێرای چاودێرییش بۆ چەند جێگەیەکی پێویست دانرا.
ڕوونیشیکردەوە، بەربەستەکان ڕۆڵێکی گرنگ دەبینن لە پاراستنی گیانی گەشتیاران لە کاتی ڕوودانی هەر ڕووداوێکی نەخوازراوداو ئاسانکاریی تهواویش بۆ تیمەکانی فریاگوزاری دەکەن لە کاتی گەڕان و بەدواداچووندا.
