نەوزاد شێخ کامیل، بەڕێوەبەرى گشتیى بازرگانیى هەرێمی کوردستان لە لێدوانێکدا ڕایگەیاند، لەمڕۆوە پڕۆسەی وەرگرتنی گەنمی جوتیاران لە پارێزگاکانی هەرێمی کوردستان دەستپێدەکات.
ئاماژەی بەوەشدا، ئێوارەی ئەمڕۆ دەرگای سایلۆکان لە پارێزگای سلێمانی بۆ وەرگرتنی گەنمی جوتیاران دەکرێتەوە. هەروەها سبەی لە هەولێر و ڕۆژی شەممەش لە دهۆک پڕۆسەکە دەستپێدەکات.
ڕاشیگەیاند، بەگوێرەی ئەو پشکەی بۆ هەرێمی کوردستان دیاریکراوە، 400 هەزار تۆن گەنم لە هاوڵاتییان وەردەگیرێت. لەو بڕە گەنمەی دیاریکراوە بۆ وەرگرتن 292 تۆن لە چوارچێوەی پلان و 108 تۆنیش لە دەرەوەی پلان وەردەگیرێت.
