وەزارەتی دەرەوەی ئێران ڕایدەگەیەنێت، دوودڵ نابین لە بەرگریکردن و هێزەکانمان وەڵامی هەر جۆرە هێرشێک دەدەنەوە.
وەزارەتی دەرەوەی ئێران لە ڕاگەیەنداوێکدا ئاشکرایکرد، سوپای ئەمریکا لەسەر بنەمای ئەوەی ئێمە کۆپتەرێکی ئەپاچیمان لە گەرووی هورمز خستووەتەخوارەوە، هێرشیانکردە سەر چەند ناوچەیەک لە باشووری وڵات، هەروەها هێزەکانمان لە ناوچەکەدا هێرشیانکردە سەر ئەو پێگە سەربازییانەی ئەمریکا، کە سەرچاوەی هێرشەکان بوون دژ بە ئێـ.ـران.
ئاماژەی بەوەشکردووە، دەمانەوێت جارێکی دیکە بیری هەموو وڵاتانی ناوچەکەی بخەینەوە، کە ئەرکە لەسەریان ڕێگری لە ئەمریکا بکەن لەوەی خاکەکەیان دژی ئێمە بەکاربهێندرێت.
باسی لەوەشکردووە، دوودڵ نابین لە بەرگریکردن لە خۆمان و بە ئامانجگرتنی ئەو شوێن و پێگانەی کە دژ بە ئێمە بەکاردەهێنرێن.
