وتەبێژی حەج و عومرەی هەرێمی کوردستان ڕایدەگەیەنێت، پاش ئاساییبوونەوەی دۆخی ناوچەکە، حاجییانی کوردستان بە ڕێگەی ئاسمانی دەگەڕێنەوە هەرێمی کوردستان.
کاروان ستوونی، وتەبێژی حەج و عومرەی هەرێمی کوردستان بە تۆڕی میدیایی ئێستای ڕاگەیاند، پاش بڕیاری دەسەڵاتی فڕۆکەوانیی عێراق، بە کردنەوەی ئاسمانی عێراق و هەرێمی کوردستان بە ڕووی گەشتەکاندا، لە کۆبوونەوەی بەڕێوەبەرایەتیی گشتیی حەج و عومرە لەگەڵ دەستەی باڵای حەج و عومری عێراق، بڕیاردرا کە گەشتەکان ئاسایی ببنەوە و هەموو حاجییانی کوردستان بە ڕێگەی ئاسمانی بگەڕێنەوە نیشتمان.
ئاماژەی بەوەشکرد، بڕیارە سبەینێ سێشەممە، گەشتەکان وەک خۆیان بەردەوام بن و لە ماوەی دوو ڕۆژدا سەرجەم حاجییانی کوردستان بە ڕێگەی ئاسمانی بگەڕێنەوە هەرێمی کوردستان.
