بەڕێوەبەری بازرگانی و کەلوپەلی خۆراک لە سلێمانی ڕایدەگەیەنێت، 30 بریکاری خۆراکمان ئاگادارکردووەتەوە کە ئەگەر ئەم مانگە دوابکەون لە هێنانی پارە، ئەوا سزا دەدرێن.
کامەران فەتاح، بەڕێوەبەری بازرگانی و کەلوپەلی خۆراک لە سلێمانی بە تۆڕی میدیایی ئێستای ڕاگەیاند، ئێمە سێ هەزار 945 بریکاری خۆراکمان هەیە و ژمارەی بریکارەکانمان لەوانەی هەولێر زیاترە، تا ئێستا هیچ کەسێکمان لەسەر درەنگ گەڕاندنەوەی پارەی بەشەخۆراک سزا نەداوە، هەرچەندە ئەم مانگە 30 بریکارمان زۆر درەنگ پارەکانیان گەڕاندەوە و بە هەرشێوەیەک بووە پارەکەمان دابین کردووە تاوەکو دابەشکردنی بەشەخۆراک دوانەکەوێت.
وتیشی، بەڵام ئەو 30 بریکارەمان ئاگادارکردووەتەوە کە ئەم مانگە ئەگەر دوابکەون لە گەڕاندنەوەی پارەکانیان، ئەوا ناچاردەبین سزای یاساییان بدەین.
