قائیمقامیەتی سلێمانی ڕایگەیاند، لە چوارچێوەی ئامادەکارییەکان بۆ پێشوازیکردن لە ڕۆژانی جەژن و ڕێکخستنەوەی بازاڕ، کۆبوونەوەیەک بە ئامادەبوونی قائیمقامی سلێمانی و نوێنەرانی بەڕێوەبەرایەتییە ئەمنی و خزمەتگوزارییەکان، پلانی پێشوازیکردن لە جەژنی قوربان دانرا.
هاوکات ئاماژەی بەوەدا، لە کۆبوونەوکەدا میکانیزمەکانی ڕێکخستنەوەی بازاڕ و بەدواداچوون و چاودێرییکردنی کاڵا و شتومەکەکان لە ڕۆژانی جەژندا خرانەڕوو. هاوکات پلانی قائیمقامیەت بۆ پێشوازیکردن لە گەشتیاران لە ڕۆژانی جەژن خرایەڕوو.
بابەتێکی دیکەی کۆبوونەوەکە تایبەت بوو بە پرسی کڕین و فرۆشتنی ئاژەڵ و بەجێگەیاندنی سوننەتی قـ.ـوربانیکردن بەشێوەیەکی دروست کە لەگەڵ ڕێنماییە ئاینی و تەندروستی و خۆپارێزییەکاندا بگونجێت.
قائیمقامیەتی سلێمانی داوای لە هاوڵاتییانکرد کە کڕین و فرۆشتنی ئاژەڵ لە دەرەوەی مەیدانی ئاژەڵ ئەنجامنەدەن و قوربانییکردن تەنیا لە کوشتارگە ڕەسمییەکان ئەنجامبدەن.
