حاجییەکی کوردستان نەشتەرگەرییەکی بە سەرکەوتوویی بۆ ئەنجامدرا
وەزارەتی ئەوقاف و کاروباری ئایینیی هەرێمی کوردستان ڕایگەیاند، حاجییەکی کوردستان کە خەڵکی شاری ڕانیەیە، لە لەناکاو باری تەندروستی تێکچووە و گەیەندراوەتە نەخۆشخانەیەک لە سعودیە.
ئاماژەی بەوەشدا، پاش ئەنجامدانی پشکنینەکان، پزیشکەکان بڕیاریانداوە نەشتەرگەرییەکی بەپەلەی بۆ ئەنجام بدەن، لە ئێستادا دۆخی تەندروستیی جێگیرە و بڕیاریشە پاش باشتربوونەوەی، بگەڕێندرێتەوە شوێنی مانەوەی حاجییانی کوردستان.
