هاتوچۆی گەرمیان، ڕایگەیاند، لە کەلار بەهۆی ڕووداوێکی هاتوچۆوە سێ کەس برینداربوون.
بەڕێوەبەرایەتیی هاتوچۆی گەرمیان، ڕایگەیاند، بەرەبەیانی ئەمڕۆ سێشەممە لەسەر شەقامی 60 مەتریی کەلار ئۆتۆمبێلێکی جۆری ئەڤیکۆ بەراد دوای ئەوەی کۆنتڕۆڵی لە دەستدا لە دوو کەسی دا و زیانی بە کەپرێکی قەراغ ڕێگاکە گەیاند، پاشان ئۆتۆمبێلکە وەرگەڕا و شۆفێرەکەشی برینداربوو.
دەشڵێت، بریندارەکان لە دایکبووی 1966 و 1988ن، شۆفێری ئۆتۆمبێلکەش لەدایکبووی 1977ە، سەرجەمیان ڕەوانەی نەخۆشخانە کران و لێکۆڵینەوە لە هۆکاری ڕووداوەکە بەردەوامە.
