کاتژمێر 7:56 خولەکی بەیانیی ئەمڕۆ چوارشەممە، بوومەلەرزەیەک ناوچەی گەرمیانی لەنێوان کەلار و خانەقین لە باشووری هەرێمی کوردستان هەژاند.
شیروان پێنجوێنی، شارەزای کەشناسی و بوومەلەرزەزانی ڕایگەیاند، گوڕی بوومەلەرزەکە 3.9 بووە بە پێوەری ڕێخەر، چەقی بوومەلەرزەکەش ناوچە شاخاوییەکان بووە لە ناوچەی باوە ئیسماعیل.
هاوکات ڕاشیگەیاند، چەقی بوومەلەرزەکە 13 کیلۆمەتر لە شاری خانەقین و 21 کیلۆمەتر لە شاری کەلار دووربووە و هاوڵاتییانی ناوچەکە هەستیان بە لەرزینەکە کردووە.
