بەڕێوەبەرایەتیی گشتیی هاتوچۆی هەرێمی کوردستان چەند بڕیارێکی توندی سەبارەت فڕێدانی خۆڵ و خاشاک لە جامی ئۆتۆمبێلەکانەوە بۆ شۆفێران و سەرنشینان دەرکرد.
بەڕێوەبەرایەتییەکە ڕایگەیاند، هەر شۆفێر و سەرنشینێک لە کاتی ڕۆیشتن یان وەستانی ئۆتۆمبێل زبڵ و خاشاک فڕێبداتە سەر شەقام و شۆستەکان، بڕی 40 هەزار دینار سزای دارایی بۆ ئەو ئۆتۆمبێل یاخود ماتۆڕسکیلە تۆماردەکرێت کە سەرپێچییەکەی تێدا ئەنجامدراوە.
ڕوونیشیکردەوە، ئەم سزایە زیاددەکرێت بۆ هەموو سیستمەکانی تۆمارکردنی سەرپێچیی وەکو PDA و کامێراکانی تۆمارکردنی تیژڕۆیی و چاودێری.
بەڕێوەبەرایەتییەکە ئەوەشی خستەڕوو، دەسەڵات دەدرێتە ئەفسەرانی هاتوچۆ کە ڕاستەوخۆ لەکاتی بینینی ئەو دیاردەیە، سزا داراییەکە بسەپێنێت، یاخود لەوکاتەی بە ڤیدیۆی تۆمارکراو لەلایەن هاوڵاتییانەوە بۆ پلاتفۆرمەکانی بەڕێوەبەرایەتییەکانی هاتوچۆ ڕەوانەدەکرێت
