سەرۆکی ژووری بازرگانی و پیشەسازیی سلێمانی ڕایدەگەیەنێت، لە ماوەی چوار مانگدا هەرێمی کوردستان دەستدەکات بە جێبەجێکردنی سیستمی ئەسیکۆدا.
نەوزاد غەفور، سەرۆکی ژووری بازرگانی و پیشەسازیی سلێمانی لە لێدوانێکدا بە تۆڕی میدیایی ئێستای ڕاگەیاند، هەرێمی کوردستان و بەغداد ڕێککەوتوون کە لە ماوەی چوار مانگدا، هەرێمی کوردستان دەستبکات بە جێبەجێکردنی سیستمی ئەسیکۆدا، هەروەها هەردوولا لەسەر پێناسی گومرگی ڕێککەوتوون.
وتیشی، تا ئێستا هەرێمی کوردستان و بەغداد لەسەر 14 خاڵی بنەمایی ڕێککەتوون، چوار خاڵ ماوە کە تەکنیکین و ڕای جیاوازیان لەسەرە، هێشتا ڕێککەوتنیان لەسەر نەکراوە.
