پۆلیسی دارستان و ژینگەی سلێمانی ڕایدەگەیەنێت، گەڕان بەدوای تەرمی بڕوا جەزا، کە لە چەمی شاخەسوور خنکا بەردەوامە.
بەڕێوەبەرایەتیی پۆلیسی دارستان و ژینگەی سلێمانی ڕایگەیاند، لە دوو ڕۆژی ڕابردوودا گەنجێک بە ناوی (بڕوا جەزا) كەوتە ناو چەمی شاخەسوور لە نزیک گوندی واڵیاوا لە سنووری شارباژێڕ.
ئاماژەی بەوەشکرد، مەفرەزەیەک لە كارمەندانی بەشی پۆلیسی دارستان و ژینگەی شارباژێڕ، لەگەڵ سەرجەم تیمەكانی تردا لە هەوڵدان بەمەبەستی دۆزینەوەی تەرمەكە، بەڵام تا ئێستا نەدۆزراوەتەوە.
