سەرۆککۆماری ئێران، ڕایگەیاند، واشنتن خیانەت لە دیپۆلماسیی دەکات.
مەسعود پزیشکیان، سەرۆککۆماری ئێران، لە نوێترین لێدوانیدا هێرشی توندی کردە سەر سیاسەتەکانی ویلایەتە یەکگرتووەکانی ئەمریکا و ڕایگەیاند کە واشنتن بە ئاشکرا “خیانەت لە پرەنسیپەکانی دیپلۆماسی” دەکات.
پزیشکیان ئاماژەی بەوە کرد، حکومەتی ئەمریکا بەردەوامە لە پێشێلکردنی یاسا نێودەوڵەتییەکان و پابەند نییە بەو ڕێککەوتن و بنەما جیهانییانەی کە ئاسایشی نێودەوڵەتی ڕادەگرن.
ئەم لێدوانانەی سەرۆککۆماری ئێران لە کاتێکدایە کە گرژییەکانی نێوان تاران و واشنتن لەسەر چەندین دۆسیەی ناوچەیی و نێودەوڵەتی گەیشتووەتە ئاستێکی باڵا و ئاسۆکانی گەیشتن بە لێکتێگەیشتنی دیپلۆماسی ئاڵۆزتر بوون.
