وەزارەتی ناوخۆی حکومەتی هەرێمی کوردستان ڕایگەیاند، ئەمڕۆ لە چەند کاتێکی جیاوازدا، بە چوار درۆنی بۆمبڕێژکراو هێرشکرایەوە سەر هەرێمی کوردستان.
وەزارەتی ناوخۆ لە ڕاگەیەندراوێکدا بڵاویکردەوە، لە دوای ڕاگەیاندنی ئاگربەست لە نێوان ئەمریکا و ئێران، ئەوە بۆ جاری دووەمە بە درۆنی بۆمبڕێژکراو هێرشدەکرێتە سەر هەرێمی کوردستان.
ئاماژەی بەوەشکرد، ڕۆژی سێشەممە، ڕێکەوتی 14ـی نیسانی 2026، لە چەند کاتێکی جیاوازدا، بە چوار درۆنی بۆمبڕێژکراو هێرشکرایەوە سەر هەرێمی کوردستان.
ڕاشیگەیاند، جەخت لە هەڵوێستی نەگۆڕی هەرێمی کوردستان دەکەینەوە کە بەشێک نەبووە لە شەڕ و داواشدەکەین، کە چیتر سەقامگیریی کوردستان و ئارامیی هاوڵاتییان نەکرێنە ئامانج.
