قوباد تاڵەبانی، ڕایگەیاند، کوردستان و عێراق تەنیا بە سیاسەتی مام جەلالییانە بە کەناری ئارامی دەگەن.
قوباد تاڵەبانی، لە ساڵیادی هەڵبژاردنی مام جەلال وەک یەکەم سەرۆککۆماری کورد لە عێراق، ڕایگەیاند، لەم ڕۆژگارە سەخت و ئاڵۆزەی ناوچەکەماندا، کوردستان و عێراق تەنیا بە حیکمەت و سیاسەتی مام جەلالییانە بە کەناری ئارامی دەگەن.
دەشڵێت، لەم یادەدا سڵاو دەنێرین بۆ گیانی پاکی سەرۆک مام جەلال و هەموو لایەکیش دڵنیادەکەینەوە یەکێتیی نیشتمانیی کوردستان لەسەر هەمان رێبازی مام بۆ پاراستنی سەروماڵی هاوڵاتییان و قوڵکردنەوەی گیانی تەبایی و برایەتی و چارەسەرکردنی کێشەکان تێدەکۆشێت.
