سەرۆکی شارەوانیی سلێمانی ئاشکرایدەکات، بە بەکارهێنانی قیری سارد چاڵ و چۆڵیی شەقامەکانی سلێمانی چارەسەردەکەین.
لەیلا عومەر، سەرۆکی شارەوانیی سلێمانی ڕایگەیاند، تیمەکانمان ڕاسپارد بەپەلە و بەگوێرەی ئەو بەرنامەیەی کە دانراوە، بە بەکارهێنانی قیری سارد، سەرجەم چاڵ و چۆڵیی شەقامەكان چاكبكەن.
وتیشی، سەرباری تەنگژەی دارایی و نەبوونی بودجەی پێویست، تیمەکان بەردەوامن لە ئەرکەکانیان، ئەمەش بەگوێرەی گونجاوی دۆخی کەشوهەوا هەوڵەکانیان چڕکردووەتەوە بۆ چارەسەرکردنی ئەو زیانانەی بەر شەقامەکان کەوتوون، هەروەها نەیانهێشتووە گرفتەکان ڕێگربن لە خزمەتکردنی هاوڵاتییانی شارەکەمان.
