ناوەندی هاوبەشی هەماهەنگیی قەیرانەکان، لەبارەی تەرزە و لافاوەوە لە ڕۆژانی داهاتوودا، هۆشداری دەدات.
ناوەندەکە لە ڕاگەیەندراوێکدا ئاماژەی بەوەکردووە، سبەینێ لە كات و شوێنی جیاوازدا، تەرزە دەبارێت و مەترسیی بەرزبوونەوەی ئاستی ئاو هەیە لە شەقامەكان.
ئاماژەی بەوەشکرد، لە ناوچە دەشتایی و شاخاوییەكان هەورەبروسکە دەبێت؛ ڕۆژی هەینییش بارانبارین بەردەوامدەبێت و داوا لە هاوڵاتییان دەکات، ئاگاداری سەلامەتیی خۆیان بن.
