سەرچاوەیەک لە بەغداد ئاشكرایکرد، ڕۆژی سێشەممە لەگەڵ دەستپێکردنەوەی دەوامی وەزارەتی دارایی عێراق، ڕێکارەکانی خەرجکردنی مووچەی فەرمانبەرانی هەرێمی کوردستان دەستپێدەکات.
ئاماژەی بەوەشدا، “هیچ گرفتێک لەبەردەم خەرجکردنی مووچە نییە و تەنانەت سەرۆکی ئەنجومەنی وەزیران و ئەنجومەنی نوێنەرانی عێراقیش جەختیان لە خەرجکردنی کردووەتەوە، هاوشێوەی فەرمانبەرانی عێراق.
بەگوێرەی ئەو سەرچاوەیە، هێشتا عێراق پارەی نەوتی فرۆشراوی مانگەکانی 1 و 2ـی وەرنەگرتووە، بەوپێیە بێت، پارەی مووچەی مانگەکانی 3 و 4 مسۆگەرکراون.
بەگوێرەی زانیارییەکانی ئەو سەرچاوەیە لە بەغداد، تاوەکو سەرەتای مانگی چوار، مووچەی مانگی سێ خەرجدەکرێت..
