هەورامان جەلال، وتەبێژی گوشتوگوزاری هەڵەبجە بە تۆڕی میدیایی ئێستای ڕاگەیاند، ئامادەکارییەکانیان لە سەرجەم شوێنە گەشتیارییەکانی پارێزگای هەڵەبجە بۆ پێشوازیی لە میوانان و گەشتیاران لە ڕۆژانی جەژن تەواوکردووە.
ئاماژەی بەوەشدا، هەماهەنگییەکی باشمان لەگەڵ دەزگا ئەمنییەکان دروستکردووە و هێڵە گەرمەکانی بەڕێوەبەرایەتیی گشتییمان 24 کاتژمێر لەکاردان بۆ بەدەمەوچوونی هاوڵاتییان لە هەر حاڵەتێکی نەخوازراو.
هەورامان جەلال داوای لە هاوڵاتییان و گەشتیاران کرد، شوێنە گەشتیارییەکان بپارێزن و ”وەک ماڵی خۆیان” مامەڵەی لەگەڵدا بکەن، پاکوخاوێنی شوێنەکان بپارێزن.
