ڕەجەب تەیب ئەردۆغان، سەرۆککۆماری تورکیا ڕایگەیاند، پێشوازی لە هەڵوێستی برایانمان لە هەرێمی كوردستان دەكەین كە خۆیان لە شەڕ بەدوورگرت.
ڕەجەب تەیب ئەردۆغان، سەرۆککۆماری تورکیا لەبارەی هەڵدانی ئەو مووشەکەی ئێران کە ئاراستەی تورکیای کردبوو، ڕایگەیاند، ئەم کارە لەڕادەبەدەر هەڵەیە و هەڕەشە لە دۆستایەتیی تورکیا دەکات، نابێت ئەو جۆرە کارانە ئەنجامبدرێن.
ئەمڕۆ وەزارەتی بەرگریی تورکیا ڕایگەیاند، سیستمی بەرگریی ئاسمانیی ناتۆ، ڕێگریی لە مووشەکێکی بالیستی کرد کە لە ئێرانەوە هەڵدرابوو دوای ئەوەی هاتە ناو ئاسمانی تورکیا، ئەمەش دووەم ڕووداوی لەو جۆرەیە لە ماوەی پێنج ڕۆژدا.
