ژووری ئۆپراسیۆن بۆ بەڕێوەبردنی قەیران و کارەسات، چەند رێنماییەکی بۆ هاوڵاتییان بڵاوکردەوە، کە لەکاتی کەوتنەخوارەوەی درۆن یان مووشەک، جێبەجێیان بکەن.
رێنماییەکان:
– راستەوخۆ شوێنی بەئامانجگیراو بەجێبهێڵە و قەرەباڵغی دروستمەکە.
– هاوکاری تیمە ئەمنییەکان بە و رێنماییەکان جێبەجێبکە، مەبە بە بەشێک لە گرتنی رێگە و دروستکردنی بەربەست بۆ تیمە فریاگوزارییەکان.
– دەستکاریی هیچ پاشماوەیەکی جەنگیی مەکە، لەوانەیە دووبارە مەترسیی تەقینەوەی هەبێت.
– دووربکەوە لە گرتنی وێنەی شوێنەکە و پۆستکردنی لە سۆشیال میدیاکان.
– چاودێریی سەرچاوەی هەواڵە باوەڕپێکراوەکانی حکومەت بکە و دووربکەوە لە پڕوپاگەندەکان.
– دڵنیاببەوە لە سەلامەتیی خۆت و خێزانەکەت، تاوەکو دڵەڕاوکێ کەمبکەیتەوە.
– ئەگەر لەناو ماڵدا یاخود ئۆفیسی کارکردنەکەت بوویت، دووربکەوە لە پەنجەرەکان و بەکارهێنانی بەرزکەرەوەکان (مەسعەد).
– ئەگەر لەناو ئۆتۆمبێلەکەتدا بوویت، لەناو ئۆتۆمبێلەکەتدا بمێنەوە و لە تەنیشتی رێگەکە بوەستە و مەودایەکی سەلامەت بەجێبهێڵە لەو شوێنەی بەئامانجگیراوە.
