محەمەد حەسان نێردەی نەتەوەیەکگرتووەکان لە عێراق رایگەیاند، عێراق وڵاتێکی بەهێزە و هیچ نییەتێک بۆ گۆڕینی سیستمی سیاسی لە وڵاتەکەدا نییە.
محەمەد حەسان لە کۆنگرەیەکی رۆژنامەوانیدا رایگەیاند، “هیچ هەڕەشەیەک دژی سیستمی سیاسیی ئێستای عێراق و هیچ کارێک بۆ گۆڕینی لە ئارادا نییە، عێراق وڵاتێکی بەهێزە، کاردەکەین بۆ بەهێزکردنی کارکردنمان لەگەڵیدا”.
وتیشی، عێراقی ئێستا جیاوازە لە عێراقی پێنج ساڵ یان 20 ساڵ پێش ئێستا، باوەڕمان وایە، ئەو عێراقە ئارام و ئاسایشە بە هەوڵی نەوەکانی و سەرکردەکانی دەبێتە شوێنێک بۆ ئەو گەشتیارانەی بەدوای جوانییە جەوهەریی و راستەقینەکاندا دەگەڕێن.
