رەفیق سابیر، نووسەر و شاعیرێکی دیاری کورد کۆچی دواییکرد.
بەیانیی ئەمڕۆ، رەفیق سابیر، نووسەر و شاعیری گەورە کورد، لە تەمەنی 75 ساڵیدا لە نەخۆشخانەیەکی سوید کۆچی دواییکرد.
رەفیق سابیر، لەدایكبووی قەڵادزێیە، بڕوانامەی دکتۆرای لە فەلسەفەدا هەیە و خاوەنی قەسیدەی بەناوبانگی “بەتەنیا جێممەهێڵن”ە، كە بۆ هەڵەبجەی نوسیبوو.
هەروەها، ناوبراو یەکێکە لە ناوە هەرە دیار و درەوشاوەکانی شیعری نوێی کوردی، جگە لە کارە ئەدەبییەکانی، وەک رۆژنامەنووس، پێشمەرگە و شۆرشگێڕێک خزمەتی گەورەی بە پرسی کورد کردووە.
