وەزارەتی دارایی هەرێمی کوردستان رایدەگەیەنێت، لیستی مووچەی مانگی شوبات و راپۆرتی تەرازووی پێداچوونەوە رەوانەی بەغداد دەکرێت.
وەزارەتی دارایی هەرێمی کوردستان بڵاویکردەوە، ئێوارەی ئەمڕۆ دووشەممە، 23ی شوباتی 2026، لیستی مووچەی مانگی شوباتی فەرمانبەران، مووچەخۆرانی هەرێمی کوردستان و راپۆرتی تەرازووی پێداچوونەوەی مانگی کانوونی دووەم، لەلایەن تیمی تەکنیکیی وەزارەتی دارایی و ئابوریی هەرێمی کوردستانەوە رەوانەی بەغداد دەکرێت و سبەی سێشەممە، رادەستی فەرمانگەی ژمێریاریی وەزارەتی دارایی حکومەتی فیدراڵ دەکرێت.
ئاماژەی بەوەشکردووە، هەندێک زانیاریی و هەواڵی نادروست لەسەر لیستی مووچە و راپۆرتی تەرازووی پێداچوونەوە بڵاوکراوەتەوە، هیچ بنەمایەکیان نییە و تێکڕایان ناڕاستن.
