ماوەی 31 رۆژە و لە 18ـی کانوونی دووەمی 2026ـەوە، گەمارۆیەکی خنکێنەر لەسەر شاری کۆبانێ-یە، دامەزراوە مرۆیی و خزمەتگوزارییەکان ئاستەنگییان بۆ دروستبووە لە بەدەمەوەهاتنی خەڵکی مەدەنی و مەترسییەکی گەورە لەسەر دانیشتووانی ئەو شارە کوردییەی رۆژئاڤای کوردستان دروستبووە.
31 رۆژە هاوڵاتییانی ئەو شارە کوردییە بەدەست کەمیی خۆراک، ئاوی پاکژ، سووتەمەنی و خزمەتگوزاریی تەندروستی و نەبوونی دەرمانی پێویست دەناڵێن، رێکخراوە مرۆییەکان هۆشداریی لە بڵاوبوونەوەی نەخۆشیی مەترسیدار دەدەن لەئەگەری بەردەوامبوونی ئەو گەمارۆیە.
هاوکات بەهۆی شـ.ـەڕ و پێکدادانەکانی چەند مانگی رابردوو، زیان بە ژێرخانی کارەبا و وزەی ئەو شارە کەوتووە، ئەو کێبڵانەی زیانیان پێگەیشتووە نەتواندراوە تاوەکوو ئێستا چاکبکرێنەوە، بەوهۆیەوە بەشێکی زۆر شارەکە بێکارەبان.
