بەڕێوەبەرایەتیی پۆلیسی سلێمانی رایدەگەیەنێت، لەسەر داوای هاوڵاتییان شەش ژن دەستگیرکران کە هاوڵاتییانیان بێزارکردووە.
بەڕێوەبەرایەتیی پۆلیسی سلێمانی بڵاویکردەوە، لەسەر گلەیی و نیگەرانیی هاوڵاتییان، بنکەی پۆلیسی عەربەت هەستان بەدەستگیرکردنی شەش تۆمەتباری ژن، بەناوەکانی (ب، ق، ش)، لەدایکبووی 1991، (د، ح، ت)، لەدایکبووی 2003، (س، خ، ب) لەدایکبووی 2007، (ش، ئـ، ف) لەدایکبووی 1997، (گ، ع، س)، لەدایکبووی 1993، (ب، ع، ب)، لەدایکبووی 1990.
روونیکردەوە، تۆمەتباران، لەسەر رێگەی عەربەت-سلێمانی، لە نزیک عەلوەی سلێمانی، بەشێوەیەکی نەشیاو بڵاوبوونەتەوە و خەڵکیان بێزارکردوە، بۆ ئەو مەبەستەش پەڕاوی لێکۆڵینەوەیان بۆ رێکخراوە و لە ئێستادا بەبڕیاری دادوەری لێکۆڵینەوە، بەپێی ماددەی (240/ یاسای سزادانی عێراقی) راگیراون و لێکۆڵینەوە لەگەڵیاندا بەردەوامە.
