بافڵ جەلال تاڵەبانی بەبۆنەی هاتنی مانگی رەمەزانەوە پەیامێکی بڵاوکردەوە.
بافڵ جەلال تاڵەبانی، سەرۆکی یەکێتیی نیشتمانی کوردستان بەبۆنەی هاتنی مانگی رەمەزان پەیامێکی بڵاوکردەوە و تیایدا هاتووە، “هاتنی مانگی رەمەزانی پیرۆز لە موسڵمانانی کوردستان، عێراق و جیهان پیرۆزدەکەم، هیوادارم ببێتە مایەی خێر و بەرەکەت بۆ گەلەکەمان”.
وتیشی، “هیوادارم ئەم مانگە پیرۆزە هاندەرمان بێت تاوەکو بە گیانی لێبوردەیی و بەرپرسیارێتی نیشتمانییەوە هەنگاوبنێین بۆ بەهێزترکردنی پێکەوەیی، برایەتی و چارەسەرکردنی کێشەکانمان، هەروەها باشترکردنی ژیانی خەڵکە خۆشەویستەکەمان”.
لە کۆتایشدا وتی، “خودای گەورە گەلەکەمان بپارێزێت، رۆژوو، نوێژ و نزای هەموو لایەک قبوڵبکات”.
