وەزارەتی خوێندنی باڵا، رایگەیاند، دەرگای پێشکەشکردن بۆ سکۆلەرشیپی (HCED) کرایەوە.
وەزارەتی خوێندنی باڵا و توێژینەوەی زانستیی هەرێمی کوردستان، رایگەیاند، لیژنەی باڵای پەرەپێدانی خوێندن لە عێراق (HCED)، کە سەر بە سەرۆکایەتیی ئەنجومەنی وەزیرانی فیدراڵە، راوندی چوارەمی بەرنامەکانی خوێندن لە دەرەوەی وڵات رادەگەیەنێت.
دەشڵێت، ئەم سکۆلەرشیپە بوارەکانی (دکتۆرا، ماستەر، و راهێنانی تایبەت بۆ بەرنامە پزیشکییەکان) دەگرێتەوە.
وەزارەتەکە دەڵێت، پێشکەشکردن لە ئەمڕۆوە دەستیپێکردووە و تاوەکو 31ی ئازاری 2026 بەردەوامدەبێت.
باسلەوەشدەکات، خوازیاران دەتوانن لە رێگەی پڕکردنەوەی فۆرمی تایبەتەوە داواکارییەکانیان پێشکەشبکەن ئەگەر مەرجەکانیان تێدا بێت.
بۆ زانیاریی زیاتر و پێشکەشکردن تکایە سەردانی ئەم لینکە بکەن.
