وەزارەتی دارایی و ئابوریی هەرێمی کوردستان رایگەیاند، سبەی شەممە، دەوامی سەرجەم ئەو بانکانە ئاسایی دەبێت کە ئەرکی دابەشکردنی مووچەیان لە ئەستۆدایە.
لە ئاگادارییەکدا، وەزارەتی دارایی و ئابوریی حکومەتی هەرێمی کوردستان رایگەیاند، ئەو مووچەخۆرانەی کە تاوەکو ئێستا مووچەی مانگی کانوونی دووەمیان وەرنەگرتووە، سبەی دەتوانن سەردانی بانکەکان بکەن و مووچەکانیان وەربگرن.
ئاماژەی بەوەشکرد، تەنیا مووچەی ئەو فەرمانبەر و مووچەخۆرانە خەرجناکرێت، کە تاوەکو ئێستا مووچەکانیان بەبانکی نەکردووە، یاخود کارتی بانکییان تەواوبووە و کارتەکانیان وەرنەگرتووەتەوە.
