سكرتێری لقی سلێمانیی سەندیكای رۆژنامەنووسانی كوردستان رایگەیاند، هێرشی سەر پەڕەی كەناڵ8 بەئامانجگرتنی سلێمانییە.
كاروان ئەنوەر، سكرتێری لقی سلێمانیی سەندیكای رۆژنامەنووسانی كوردستان رایگەیاند، سەرجەم پەڕە و هەژمار و پلاتفۆڕمەكانی سنووری پارێزگای سلێمانی لەبەردەم هێرشی ئەلكترۆنی و هەڕەشەی داخستندان، چونكە كێشەكان كێشەی تەكنیكی و كۆپی رایت و هەڕەمەكی نین، بەڵكو هێرشەكان لەلایەن كەسانی شارەزاوە دەكرێن و بەدیارییكراوی میدیاكانی سلێمانی دەكەنە ئامانج، ناچالاككردنی لاپەڕەی كوردی/سۆرانیی دامەزراوەی میدیایی كەناڵ8 یش لەوچوارچێوەیەدایە .
وتیشی، پێشتریش چەندین كۆڕ و سیمینارمان بۆ هۆشداری لەسەر هێرشی ئەلكترۆنی بۆسەر میدیا و سۆشیاڵمیدیاكانی سلێمانی كردووە و چەندین جاریش داواكاریمان بۆ فەرمانگەی میدیا و زانیاریی حكومەتی هەرێمی کوردستان بەرزكردووەتەوە و وتوومانە دەبێت حكومەت رێگری لەم جۆرە هێرشانە بكات و ئاگاداریانبێت، بەڵام هیچ وەڵامێكیان نەبووە.
