محەمەد کەلاری، شارەزای بواری کەشناسی رایگەیاند، بەگوێرەی پێشبینییەکان، پێشنیوەڕۆی ئەمڕۆ سێشەممە تاوەکو ئێوارەی هەمان رۆژ، بارانبارین لە سلێمانی، هەڵەبجە، راپەڕین، هەولێر، سۆران، دهۆک و بەشێکی ناوچەکانی گەرمیان و کەرکووک دەستپێدەکاتەوە.
بەگوێرەی پێشبینییەکانی ئەو کەشناسە کوردە، زۆرترین بڕی بارانبارین لە سنووری پارێزگای سلێمانی و ئیدارەی سەربەخۆی سۆران تۆماردەکرێت و ئەگەری بارینی تەرزە، بەتایبەتی لە سلێمانی هەیە.
ئەوەشی خستەڕوو، درەنگانی ئەمشەو دووبارە شەپۆلێکی دیکە دێتەوە و لە ناوچەکانی هەرێمی کوردستان بارانبارین دەستپێدەکاتەوە و ئەگەری هەورەتریشقە لەئارادایە.
