بڕی 48 ملیار دینار لە داهاتی نانەوتیی پارێزگای سلێمانی رەوانەی شاری هەولێر کرا و رادەستی بانکی منارە کرا.
سەرچاوەیەکی ئاگادار ئاشکرایکرد، ئەم پرۆسەی گواستنەوەی داهاتە لە چوارچێوەی رێکخستنی دارایی و کۆکردنەوەی داهاتە نانەوتییەکان دێت بۆ پڕکردنەوەی ئەو پابەندییە داراییانەی کە لەسەر حکومەتی هەرێمی کوردستانن.
بەپێی رێککەوتنی هەردوو حکومەتی هەرێمی کوردستان و عێراق، پێویستە مانگانە پارێزگاکانی هەرێمی کوردستان داهاتی نانەوتییان کۆبکەنەوە کە سەرجەمیان دەکاتە 120 ملیار دینار و رادەستی بەغدادی بکەن؛ بەم شێوەیە:
– بڕی 48 ملیار دینار لەلایەن پارێزگای سلێمانییەوە دابیندەکرێت.
– بڕی 72 ملیار دیناری دیکەش لەلایەن پارێزگاکانی هەولێر و دهۆکەوە دابیندەکرێت.
